Primeiru-Ministru, Taur Matan Ruak prezide reuniaun iha Konsellu Ministru.

DILI (TATOLI) – Reuniaun Konsellu Ministru (KM) Kuarta ne’e, aprova Rezolusaun Governu ida konaba Estatutos Sociais TL Cement no Akordu Parassosial entre Estadu Sósiu TL Cement.

“Konsellu Ministru rona no aprova rezolusaun ida konaba TL Cement iha Baukau, Autoridade Nasionál Petróleu no Minerais (ANPM) mak aprezenta tanba sira koordena hela prosesu ida ne’e

Alende ida ne’e, tuir portal ofisiál governu Vise Prezidente Autoridade Nasionál Petróleu no Minerais (ANPM), José Gonçalves halo aprezentasaun konaba sosiedade TL Cement Lda, tanba sosiedade ne’e hari husi kuotas ho responsabilidade ilimitada no kapitál privadu.

“Tanba Estadu halo parte ona iha sosiedade, buka atu sosiedade ne’e rasik transforma ba Sosiedade Anónima, ne’ebé ho responsabilidade ilimitada katak hanaran fali TL Cement SA”, refere komunikadu.

Nune’e mós Ministra Finansa em ezersísiu, Sara Lobo Brites halo aprezentasaun badak konaba situasaun atuál ba dívida governu ba Timor Telecom (TT), hahú husi tinan 2017.

Ministru Reforma Lejizlativu no Asuntu Parlamentár, Fidelis Leite Magalhães aprezenta opsaun sira ne’ebé define ona iha programa Compacy, ne’ebé nia objetivu prinsipál mak hamenus kiak iha Timor-Leste, liuhosi kreximentu ekonómiku iha ámbitu projetu ne’ebé dezenvolve no finansia husi Millenium Challenge Coorporation (MCC), ho koordenasaun ho governu.

“Ho Hanoin atu reforsa relasaun bilateral entre Governu Timor-Leste no Governu Estadu Unidus Amérika (EUA), MCC dezenvolve to’o daudauk ne’e programa hotu hodi apoia Timor-Leste, hahú kedas tinan 2011”, esplika.  

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here