Vise Governadór Banku Sentrál Timor-Leste (BSTL), Venancio Alves Maria no Koordenadór Unidade Administrasaun Fundu Petrolíferu Ministériu Finansas, Filipe Nery Bernardo. Foto/BSTL.

DILI, (TATOLI)- Vise-Governadór Banku Sentrál Timor-Leste (BSTL), Venancio Alves Maria, informa iha Orsamentu Jerál Estadu (OJE)  2018 nian ne’ebé aprova no promulga ona, BSTL tansfere ona osan millaun $220 ba konta Estadu iha outubru tinan ne’e.

Venancio hatutan transferénsia antes mós Banku Sentrál halo iha períodu duodésimu nian ne’ebé akontese husi janeiru to’o setembru 2018, osan millaun $210 ba kofre Estadu.

“Iha Sétimu Governu, iha rejime duodésimu ita transfere millaun $70 no iha Oitavu Governu ita transfere millaun $140, mas dentru rejime espesiál ida ne’ebé aprova husi Parlamentu. Iha orsamentu normál 2018 nian ne’ebé maka foin lais ne’e aprova ita transfere ona millaun $220 iha outubru nia laran”, Vise-Governadór dehan iha edifísiu BSTL, tersa ne’e,

OJE 2018 ne’ebé aprova husi Parlamentu Nasionál no promulga husi Prezidente Repúblika iha 27 setembru ne’e hamutuk biliaun $1.277,4.

Jornalista : Maria Auxiliadora

Editór : Manuel Pinto

HAKEREK NO HATÁN

Please enter your comment!
Please enter your name here