Foto GPM: PM Taur Matan Ruak Prezide Audiensia Revizaun Orsamental Dili, 24 Outubru 2018

DILI,(TATOLI)-Primeiru Ministru, Taur Matan Ruak ho Xefe Misaun Organizasaun internasionál ba Migrasaun (IOM sigla Ingles), Wonesai Workington SITHOLE ohin, halo diskusaun ba polítika no jestaun tráfiku umanu iha TL.

Durante neé IOM rejista kazu tráfiku umanu hamutuk 32 no balun sei iha prosesu investigasaun, enkuantu iha tinan ne’e rejista kuaze tolu ne’ebé iha ligasaun ho esplorasaun servisu no seluk tan

Iha diskusaun, Xefe Misaun IOM relata posibilidade nasaun bele asesu apoiu internasionál ba dezenvolvimentu migrasaun.

 “Ohin ko’alia oinsá atu governu sai benefisiáriu hosi ema iha rai li’ur tanba hakarak atu apoiu Timor Leste, ema barak iha li’ur hakarak ajuda,“ Nia informa ba Jornalista sira iha Palásiu Governu Dili.

Tuir Wonesai, Problema Tráfiku umanu sai hanesan obstákulu boot ba dezenvolvimentu nasaun, tanba ne’é presiza hetan atensaun sériu hosi Governu liuliu determina polítika no prioridade ba jestaun tráfiku umanu, entremus lei no seluk tan.

Iha enkontru ne’e, “ Ami Ko’alia  mós kona-ba atendementu saúde ba migrasaun nian iha fronteira,” Wonesai tenik.

Aleinde ida ne’e debate mós misaun ida seluk maka halo jestaun ba risku dezastre ne’ebé iha ligasaun ho migrasaun. Servisu hirak ne’e parte ida atu suporta organizasaun ba Sustentabilidade dezenvolvimentu Miléniu.

Jornalista:Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here