Prezidente Repúblika, Francisco Guterres Lú Olo. Imajen Mídia PR

DILI (TATOLI)—Prezidente Repúblika, Francisco Guterres Lú Olo, foti féria anuál hosi loron 5-10 Novembru 2018.

Informasaun ne’e Ajénsia Tatoli asesu liuhusi komunikadu imprensa ne’ebé Mídia Prezidénsia Repúblika fó sai iha segunda ne’e.

Bazeia ba Estatutu Titulares Órgauns Soberania artigu 10, pontu 4 hosi Lei nú. 7/2007 no altera ho Lei nú. 7/2017, titulares no membru sira hosi órgaun soberania iha direitu atu hetan féria anuál durante loron 30 iha tinan ida nia laran.

Hafoin asumi kargu nu’udar Prezidente Repúblika iha 20 Maiu 2017, féria anuál ida ne’e nu’udar féria dahuluk ne’ebé Xefe Estadu foti.

Prezidente Repúblika, Francisco Guterres Lú Olo, sei uza féria anuál iha teritóriu nasionál no durante féria ne’e iha asuntu balun ne’ebé importante liu atu trata urjente, Xefe Estadu sei marka fali prezensa iha Palásiu Prezidente Nicolau Lobato.

Jornalista: Xisto Freitas

Editór : Manuel Pinto

HAKEREK NO HATÁN

Please enter your comment!
Please enter your name here