Imajen hosi google.

DILI, (TATOLI) – Parlamentu Nasionál (PN) liuhosi sesaun plenária, segunda ne’e fó votu pezar unanimidade ho a favor 55 ba vítima dezastre aviaun Indonézia Lion Air JT610 ho passajeiru hamutuk 189 ne’ebé kuaze lakon vida.

Aviaun ho destinasaun Pangkal Pinang husi aeroportu Internasionál Soekarno-Hatta, Jakarta iha loron 29 outubru dader lakon kontaktu hafoin loron dezastre ne’e kedan deskobre monu iha tasi Karawang, Java Osidentál.

Votasaun proposta governu iha debate espesialidade Orsamentu Jerál Estadu (OJE) 2018 iha uma fukun Parlamentu Nasionál. Dokumentasaun

“Momentu ne’e Parlamentu Nasionál espressa votu pezar no kondolénsia família enlutada no manifesta solidaridade ba autoridade Indonézia”, tenik Sekretária Meza, Maria Terezinha, liuhosi deklarasaun votu pezar.

Antes ne’e PN mós fó ona votu pezar ba vítima dezastre naturál iha Indonézia no nasaun seluk, inklui Governu liuhosi Konsellu Ministru aprova orsamentu hodi ajuda autoridade no vítima sira.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here