Foto espesiál

DILI (TATOLI) –Prezidente Grupu Muller Parlamentár Timor-Leste (GMPTL), Lidia Norberta husu ba governu atu haree dezigualdade ne’ebé hanesan kauza ida hodi impede feto sira nia karreira profisionál hodi foti desizaun iha setór públiku no privadu.

Dezigualdade, hanesan fatór importante ne’ebé kauza no impede feto iha karreira profisionál hodi foti desizaun iha setór públiku no privadu,” Prezidente GMPTL, Lidia Norberta hato’o lia hirak ne’e iha plenária segunda-feira ne’e, hodi kongratula feto maluk timoroan hotu kona-ba selebrasaun loron feto Timor-Leste ne’ebé monu iha 3 Novembru.

GMPTL husu mós ba feto sira husu nafatin ba feto sira atu hatudu nafatin kapasidade servisu, loke an hodi aprende nafatin iha auto konfiansa hodi nune’e bele kontribui ba prosesu dezenvolvimentu nasionál.

Hakarak enkoraja nafatin feto maluk sira hotu atu hamriik metin hodi alkansa no promove sosiedade di’ak inklui konta mós mane maluk sira nu’udar devér ita hotu nian.

“Feto maluk sira no konta ho mane maluk sira hodi hatudu prestasaun servisu ho dedikasaun iha ita nia karreira hodi atinje prinsípiu ne’ebé mak justu iha prosesu demokrátiku ida ne’e, halakon dezigualdade jéneru, promove feto iha karreira profisionál hodi foti desizaun iha setór públiku no privadu iha nasionál to’o rurál,” nia enkoraja.

Husu mós ba entidade hotu atu promove no valoriza servisu feto ho mane sira nian nu’udar fatór esensiál no importante ba dezenvolvimentu iha setór hotu.

GMPTL sei halo esforsa nafatin hodi servisu ho parseiru hotu hodi hamosu sensibilizasaun polítika ba lejizlasaun hirak ne’ebé bele hakabit feto iha sira iha setór sira.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here