TL-Kuba Kontinua Kooperasaun Bilaterál

0
41
Vise Ministru Relasaun Exterior Cuba, Marcelino Medina halo vizita kortezia ba Primeiru-Ministru (PM), Taur Matan iha Palásiu Governu. Imajen: Media-GPM

DILI, (TATOLI) – Vise Ministru Relasaun Exteriór Kuba, Marcelino Medina, halo vizita kortezia ba Primeiru-Ministru (PM), Taur Matan Ruak, kinta ne’e iha Palásiu Governu, hodi ko’alia kona kooperasaun bilaterál entre nasaun rua ne’ebé durante ne’e hala’o ona no atu halo tan iha área seluk.

“Ohin ha’u mai halo vizita kortezia ida ba Primeiru-Ministru, no ami halo diskusaun kona-ba relasaun bilaterál ne’ebé hala’o entre Timor-Leste no Juba durante ne’e. Ami mós realsa uitoan polítika altu nível país rua nian, inklui oinsá atu hametin relasaun no koperasaun bilateral”, tenik.

Nune’e, governante Kubanu ne’e espera relasaun entre nasaun rua ne’e bele di’ak liután iha futuru.

Hafoin ne’e, Marcelino mós vizita Ministru Estadu no Prezidensia Konsellu Ministru, Agio Pereira.

Biban ne’e, Agio Pereira hateten vizita ne’e hodi troka hanoin oinsá mak bele esplora didiak potensialidade husi relasaun ne’ebé maka’as tebes no bele fó benifísiu mós ba dezenvolvimentu nasionál.

Vise Ministru Relasaun Esteriór hosi Kuba, Marcelino Medina, hateten enkontru ne’e hodi ko’alia kona-ba oinsá Kuba bele kapasita timoroan sira ne’ebé propoin husi komandante F-FDTL, nomós identifika área ne’ebé nasaun rua iha ona esperiénsia halo kooperasaun hanesan saúde, edukasaun, agrikultura, aeroportu, teknolojia no iha industria farmasia nomós medisina.

Jornalista: Julia Chatarina

Editora: Rita Almeida

HUSIK IDA HATÁN