TL Iha konferénsia LDC High Level

0
122
Sekretáriu Estadu Ambiente (SEA) Demetrio D.A.de Carvalho akompañadu husi Pontu Vocal LDC (Least Developed Countries Group) Adão Barbosa segunda (horisehik) partisipa enkontru kona ba Least Developed Countries Group on Climate Change (LDC) High Level ministerial Meeting iha Salaun Konferénsia UNECA (United Nation Economic Commision For Africa) Iha Adisababa-Etiopia. FOTO MIDIA SEA

ADISABABA-ETIOPIA (TATOLI)— Sekretáriu Estadu Ambiente (SEA) Demetrio D.A.de Carvalho akompañadu husi Pontu Vocal LDC (Least Developed Countries Group) Adão Barbosa segunda (horisehik) partisipa enkontru kona ba Least Developed Countries Group on Climate Change (LDC) High Level ministerial Meeting iha Salaun Konferénsia UNECA (United Nation Economic Commision For Africa) Iha Adisababa-Etiopia.

Objetivu Enkontru kona ba High Level ministerial meeting ne’e; Atu identifika prioridade husi país menus dezenvolve sira ba desizaun COP 24 nian ne’ebé sei hala’o iha Polandia iha fulan novembro;   atu ministru sira bele fó suporta polítika ba negosiador tékniku sira kona ba element us krítiku husi país menus dezenvolvidu sira ne’ebé mak presiza integra ba iha mata dalan, prosedimentu, no modalidade ba implemtasaun akordu Paris.

Objetivu seluk mós atu ministru no negosiador sira tuur hamutuk hodi fó hanoin ba malu kona ba saida maka sei halo ba rezultadu husi Diálogu Talanowa ninian, inklui desizaun husi COP 24 ka Deklarasaun polítika husi parte hotu –hotu kona ba oinsá realiza asaun apropriadu ba mitigasaun hodi bele atinje metas husi temperature 1,5 C.

Rezultadu husi enkontru High Level Ministerial, iha loron dahuluk (Segunda, horisehik) deside katak Ministru no negosiador hotu-hotu atu hasai komunikadu ka deklarasaun polítika ida kona ba asaun mundiál nian ba mitigasaun gas Estufas hodi atinje Metas global ba limitasaun temperature 1,5.Celius hanesan rekomendasaun husi relatóriu IPCC semana kotuk liu ba.

Iha mós pontu saves seluk kona ba fundu klimátika teknolojia no kapasitasaun ba país sub dezenvolvimentu sira hodi halo mitigasaun gas estufas no mós halo adaptasaun ba impaktu husi alterasaun klimátika.

Aleinde nee kona ba Timor leste nia pozisaun presiza halo amandamento protokolu Kyoto ba faze da ruak ninian no mós ba nasaun Dezenvolvidu sira hodi mobiliza Orsamentu Biliaun 100 USD kada tinan iha 2020 inklui aloka orsamentu ba iha Fundo klimátika Verde

No ikus liu LDC’s bolu atensaun husi país dezenvolvidu sira hodi realiza sira nia kometimentu no kompromisu refrediu (100 $ Biliaun) kada Tinan iha 2020, alien de komunikadu nee ministru no negosiador hotu-hotu aprova mensajen kona ba poluisaun LDC’s nian ba iha COP 24.

Mensajen hirak nee kompostu husi mensajen kona ba parte mitigasau, adaptasaun, lakon no estragus fundu klimátiku, teknolojia , kapasitasaun transparénsia asaun no suporta, avaliasaun global no mós kompromisu polítika hodi implementa rekizitu akordu Paris.

Iha intervensaun Parte Timor leste liu husi Sekretáriu Estadu ambiente iha Enkontru Refere dehan “Mata dalan, prosedimentu, no modalidade ba implementasaun akordu Paris ne’ebé mak sei aprova iha COP (Confrence of Parties) 24 presiza kobre elementus hotu-hotu husi akordu Paris, inkluindu fundu klimátika, teknolojia, kapasitasaun transparénsia asaun no suporta, adaptasaun, lakon no estragus, avaliasaun global no seluk seluk tan”

Sekretáriu Estadu hatutan tan katak rezultadu ba dialog Talanowa nia presiza konsiderasaun hanesan deklarasaun polítika no mós desizaun husi COP 24, maibe tenke liu husi regras negosiasaun, Oras nee daudaun Timor leste iha ona Prosesu atu ratifika amandamentu Doha Kona ba protokolu Kyoto ba iha fase daruak nian.

Kona ba kontribuisaun nasionalmente determinada (NDC’s) ba mitigasaun, presiza konsidera diferensias katak país dezenvolvidu sira presiza hatún emisaun makas tuir akordu Paris iha artigu 4.4 no país menus dezenvolvidu sira presiza de’it halo mitigasaun ba desenvolvimento karbon ki’ik no relata ka komunika sira nia planu, asaun no programa dezenvolvimentu karbonu baixu tuir artigu 4,6 husi akordu Paris.

Enkontru nivel ass refere partisipa husi Ministru Ambiente husi nasaun 147 inklui nasaun husi komunidade País lingua Portuguesa (CPLP) kompostu Husi Cavo Verde, Guiana Bissau, ho mós Timor leste.

Korrespondénsia Mídia SEA

HUSIK IDA HATÁN