Teófilo Dedika Medalla Osan Mean Ba Timor

0
49
Atleta, Teófilo Freitas, bainhira simu sertifikadu apresiasaun hosi Prezidente Repúblika. Imajen Mídia PR

DILI, (TATOLI) – Paratleta hosi Komité Paralímpiku Timor-Leste (CPNTL-sigla portugés), Teófilo Freitas, dedika medalla osan mean rua ne’ebé nia hetan iha kompetisaun Asian Paragames ba Timor-Leste.

“Medalla ne’ebé ha’u hetan ne’e didika  ba maluk timoroan sira, tanba sira nia apoiu morál no motivasaun lori ami balun susesu iha eventu internasionál ne’e”, dehan Teófilo liuhusi ninia lia-menon bainhira hamutuk ho komitiva CPNTL aprezenta án ba Prezidente Repúblika, Francisco Guterres Lú Olo, relasiona ho prestasaun ne’ebé nia hetan iha kompetisaun Asian Paragames, foin lalais iha Indonézia.

Nia dehan tanba dignidade Timor, maske enfrenta difikuldade maibé sira buka meius oinsá bele partisipa eventu refere hodi promove Timor nia naran.

Nia mós fó agradese ba Governu, tanba oras ne’e Governu enfrenta situasaun difísil (impase polítika) maibé apoia sira hodi kompete iha eventu internasionál ne’e no sente orgullu teb-tebes, tanba Prezidente Repúblika mós valoriza sira nia prestasaun liuhusi sertifikadu apresiasaun ne’ebé Xefe Estadu atribui ba sira.

Jornalista: Xisto Freitas

Editora: Rita Almeida

HUSIK IDA HATÁN