PN Laiha Kbiit Halo Despasu Foti PRADO

0
177
Prezidente Parlamentu Nasionál, Arão Noé de Jesus

DILI, (TATOLI) – Parlamentu Nasionál (PN) laiha kbiit halo despasu para foti kareta iha eis-deputadu sira hosi Terseira Lejizlatura, maibé dalan úniku ne’ebé parlamentu atu halo maka lori prosesu ne’e ba legál.

“Labele halo despasu, tanba tuir pareser legál hosi ami nia asesoria hateten labele. Prosesu ne’e atu deside só liuhusi asaun legál ida. Prosesu legál agora la’o hela”, Prezidente Parlamentu Nasionál, Arão Noé de Jesus, ba jornalista sira iha Palásiu Prezidente Nicolau Lobato, Bairru Pité, tersa ne’e, relasiona ho preokupasaun hosi públiku atu rekolla kareta PRADO hosi eis-deputadu sira.

Nia haktuir PN haruka ona karta dala tolu ba deputadu eis titulár sira hosi Terseira Lejizlatura no haruka mós karta ba prezidente partidu tolu hanesan Kongresu Nasionál Rekonstrusaun Timor (CNRT-sigla portugés), Frente Revolusionária Timor-Leste Independente (FRETILIN) no Partidu Demokrátiku (PD) para fó hatene ba sira nia eis deputadu atu hatama kareta maibé to’o agora foin deputadu balun de’it maka hatama.

Kona-ba atu elimina orsamentu sosa PRADO iha Orsamentu Jerál Estadu (OJE) 2019, Arão hatán desizaun ne’e la’ós Prezidente PN maka deside maibé plenária no semana kotuk plenária aprova ona orsamentu privativu (orsamentu ba sosa kareta) hodi haruka ba Governu para hatama iha orsamentu Estadu 2019.

“Se aban bainrua tama iha OJE sei mai debate iha espesialidade no karik deputadu balun hatama proposta para elimina, ha’u prontu atu admite ba debate no ikus plenária maka sei deside”, katak.

Jornalista: Xisto Freitas

Editora: Rita Almeida

HUSIK IDA HATÁN