ME Hahú Kurizé Matéria Ezame Nasionál

0
66
Ministra Edukasaun, Juventude no Desportu, Dulce de Jesus Soares, ko'alia ho Vise-Ministru Edukasaun, Juventude no Desportu, João Zacarias Freitas Soares, iha sala enkontru Konsellu Ministru, kuarta, (21/9). Imajen António Goncalves

DÍLI,(TATOLI)-Ministériu Edukasaun ohin, ofisiálmente halo ona korresaun ba matéria ezame nasionál hosi estudante ensinu báziku toó sekundáriu iha territóriu hamutuk rihun 50.548 ne’ebé kompostu hosi Ensinu Báziku 30.291 no sekundária jerál 17.034 iha territóriu.

Tuir Ministra Edukasaun no Juventude no Desportu, Dulce de Jesus Soares hateten, atividade korresaun ne’e hahú ohin no sei termina iha loron 16 Novembru 2018.

“Iha loron 17 fulan Novembru sei halo validasaun depois prosesu sira ne’e hotu iha loron 5 fulan Dezembru sei anunsia ona rezultadu ba públiku,” informa Ministra edukasaun iha Oitavu Governu ne’e  ba Jornalista sira, iha Villa-Verde Dili.

Ministra Dulce hatutan, rezultadu hosi ezame nasionál la’o di’ak tanba ne’e sei esforsu atu finaliza prosesu korresaun ho susesu liután. Tanba ne’e ohin, ministériu edukasaun nasionál mós kontinua fó ezame nasionál ba estudante sira kuaze na’in 10 ne’ebé la konsege partisipa iha ezame nasionál iha semana kotuk tanba moras, Isin rua no preokupasaun seluk.

Jornalista: Agapito dos Santos.

Editór : Manuel Pinto

HUSIK IDA HATÁN