Prezidente Parlamentu Nasionál, Arão Noé. Imajen António Goncalves

DILI, (TATOLI) – Prezidente Parlamentu Nasionál (PPN), Arão Noé de Jesus, informa uzu Mídia Sosiál ba Prezidente Repúblika (PR), Francisco Guterres Lú Olo.

Nia haktuir Asembleia Jerál Uniaun Interparlamentár iha Jenebra ne’ebé nia rasik partisipa iha semana kotuk, deputadu sira hosi mundu tomak foti asuntu fundamentál ida kona-ba uzu Mídia Sosiál ne’ebé ataka ema nia privasidade.

Tuir Arão ne’e hatudu katak preokupasaun ida ne’e la’ós de’it iha rai laran maibé mundu mós preokupa ona ezisténsia mídia sosiál nian liuhusi facebook.

“Tanba ne’e maka ohin ha’u informa ba Prezidente no Prezidente mós preokupa tanba durante ne’e komesa ataka to’o figura sentrál sira”, Prezidente PN ba jornalista sira iha Palásiu Prezidente Nicolau Lobato, Bairru Pité, tersa ne’e hafoin soru-mutu ho Xefe Estadu.

Iha biban ne’e, nia tenik, Prezidente sujere atu iha futuru buka lejizlasaun ida, nune’e bele kriminaliza asaun sira ne’e para labele akontese beibeik hodi prejudika instabilidade nasionál.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here