Membru PN Australia ida akompaña hosi Embaixadór Austrália Iha Timor-Leste Peter Roberts ko’alia hela ho Ministru Fidelis Magalhães. Foto Mídia MRLAP

DILI (TATOLI)–Ministru ba Reforma Lejizlativa no Asuntu Parlamentár (MRLAP), ohin (Segunda-red) simu delegasaun membru Parlamentu Australia (MPN) nian, iha Palásiu Governu, edifísiu MRLAP.

Vizita MPN nu’udar oportunidade ida atu ko’alia kona-ba kooperasaun entre Timor-Leste no Austrália.

Tanba ida ne’e, Ministru Fidelis Magalhães hatudu interese husi Governu Timor-Leste atu aumenta númeru traballadór sazonál timor-oan sira ne’ebé hetan autorizasaun atu servisu iha Austrália.

Nune’e tuir nota komunikadu ne’ebé TATOLI asesu haktuir katak, Membru deputadu husi Australia espresa sira nia apoiu ne’e, ba aumentu númeru traballadór sazonál sira, hodi rekoñese forte adezaun husi traballadór timoroan sira ba programa kooperasaun ida ne’e.

Aleinde ida ne’e, Ministru ba Reforma Lejizlativa no Asuntu Parlamentár hatudu mós interese Timor-Leste nian atu dada barak tan investidór australianu sira ba dezenvolvimentu ekonomia nasaun nian.

Ba ida ne’e, Embaixadór Australia nian ba Timor-Leste, Peter Roberts informa katak hanesan embaixadór ba Timor Leste prontu apoiu nafatin Timor Leste iha prosesu dezenvolvimentu.

Entretantu delegasaun membru Parlamentu Federal Austrália nian, ne’ebé akompaña husi Embaixadór Austrália Iha Timor-Leste Peter Roberts.

Ekipa Redasaun

HAKEREK NO HATÁN

Please enter your comment!
Please enter your name here