Xefe Estadu Maior Jenerál FALINTIL-Forsa Defeza Timor-Leste (F-FDTL), Lere Anan Timur. Imajen António Goncalves

DILI, (TATOLI) – Xefe Estadu Maior Jenerál FALINTIL-Forsa Defeza Timor-Leste (F-FDTL), Lere Anan Timur, hateten nomeasaun ba Xefe Estadu Maior F-FDTL, Koronél Calistro dos Santos “Coliati” nu’udar loron istóriku ba F-FDTL, tanba hahú agora Komandu Forsa Armada atu entrega podér ba jerasaun foun.

Majór Jenerál hato’o liuhusi nia diskursu iha seremónia toma pose ba Xefe Estadu Maior F-FDTL, Koronél Coliati, iha Palásiu Prezidente Nicolau Lobato, Bairru Pité, segunda ne’e.

Lere dehan jerasaun foun bele ona lidera F-FDTL presiza esforsu boot hosi Komandu rasik nomós hosi Governu atu lori instituisaun ida ne’e ba profisionalizasaun.

Tuir nia Koronél Coliati dezde hahú Forsa Armada to’o ohin loron hamutuk nafatin ho instituisaun no biar akontese krize tinan 2006 maibé kontinua koloka án hanesan instituisaun nia ema hodi la abandona instituisaun.

“Tanba ida ne’e maka fó konfiansa ba Komandu hodi hili Coliati ba Xefe Estadu Maior”, akresenta Lere.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here