DILI (TATOLI) – Prezidente Tribunál Rekursu, Deolindo dos Santos informa katak, iha enkontru ba aprezentasaun orsamentu tribunál nian, ba Komité Revizaun Polítika Orsamentu Jerál Estadu (OJE) 2019, Tribunál hato’o pedidu adisional millaun $14 ba konstrusaun edifísiu tribunál sira.

“Iha pedidu adisional ba kapitál dezenvolvimentu millaun $14, ida ne’e inklui ona atu hari edifísiu tribunál sira. Orsamentu ne’e Sekretáriu Grande Projetu (SGP) no Ajénsia Dezenvolvimentu Nasionál (ADN) mak sei halo jestaun”, tenik ba jornalista sira iha edifísiu Ministériu Finansa (MF), ohin.

Nia dehan, orsamentu ne’ebé prevee husi MF iha envelope fiskál 2019 ba tribunál sira hamutuk millaun $3,440, maibé tuir nia orsamentu ne’e la to’o.

Envelope ne’e iha millaun $3,440, ami hare katak orsamentu ne’e sei la to’o ba servisu tribunal nia to’o tinan 2019 remata, tanba ne’e ami husu adisional atu bele korresponde ba servisu tribunal nian.

Husi total orsamentu mak iha husi pakote orsamentu ne’e tribunal husu pedidu adisional hamutuk millaun $7,500, ne’ebé osan ne’e sei tau direita ba tribunal.

 Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here