Komandante Jerál Polísia Nasionál Timor-Leste (PNTL), Komisáriu Júlio da Costa Hornay. FOTO MEDIA PR

DILI, (TATOLI) – Komadante Jerál Polísia Nasionál Timor-Leste (PNTL), Komisáriu Júlio da Costa Hornai, husu ba povu tomak, liuliu joven sira atu mantein estabilidade durante loron finadu.

“Sidadaun ne’ebé sei selebra loron ne’e tantu misa no kari ai-funan iha rate tenke koopera, tanba ita lori ai-funan ba família sira nia rate, la’ós atu halo problema”, apela ulun boot seguransa ne’e ba jornalista sira iha Palásiu Prezidensiál, Bairru Pité, ohin.

Nia afirma povu hakarak estabilidade hodi kari ai-funan ba  matebian sira  ho hakmatek. “Ita rejistu hosi komandu munisípiu sira halo katak problema lubuk ida akontese bainhira komunidade kari ai-funan iha rate, halo orasaun iha rate no mosu problema iha semitériu”, informa.

Bainhira joven sira la kumpri maka polísia sei foti asaun sériu tuir lei ne’ebé vigora.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here