Logotipu UNTL.

DILI, (TATOLI) – Universidade Nasionál Timor Lorosa’e (UNTL) sei institusionaliza kursu mestradu portugés ho kontestu Timor-Leste nomós lisensiatura formasaun profesór ba ensinu pré-eskolár ho kolaborasaun hamutuk ho universidade balun husi Portugal.

“UNTL prepara hela, tinan oin, fulan dezembru sei implementa”, katak reitór UNTL, Francisco Miguel Martins, ba jornalista sira iha Kampus Liceu-UNTL, ohin.

Razaun, tuir reitór kualidade bele implementa iha inísiu profesór ba jardin infánsia nian; pré-eskolár, sei forma iha universidade ida ne’e ho kolaborasaun ho Universidade do Minho-institutu edukasaun no ensinu, tanba tuir avaliasaun katak universidade hotu iha Portugal, Universidade do Minho mak kualifikadu liu iha área ne’e.

“Tanba ida ne’e ami estabelese hela, dinamiza hela prosesu dezenvolvimentu ida ne’e, iha prosesu evolusaun dezenvolvimentu nasionál”, realsa.

“Ba ida ne’e, misaun universidade nian mak hasa’e kualidade, kompeténsia ita-nia joven sira nian iha área sira hotu, inklui implementa polítika Estadu ne’ebé konsagra iha ita-nia konstituisaun no trasa  polítika institusionál; língua portugés nu’udar língua instrusaun iha ita-nia universidade”, reforsa.

Entretantu, iha intervensaun iha abertura jornada pedagójika, reitór informa mestradu ba dalen portugés kontestu Timor-Leste, instituisaun akadémika públika ne’e sei kolabora ho Universidade do Porto.

Jornalista: Rafy Belo

Editora: Rita Almeida

HAKEREK NO HATÁN

Please enter your comment!
Please enter your name here