Prokuradór Jerál Repúblika (PJR), José da Costa Ximenes.

DÍLI,(TATOLI)—Prokuradór Jerál Repúblika (PJR), José da Costa Ximenes, horisehik, aprezenta planu asaun annual 2019 hodi estabelese Prokuradór Jerál Repúblika iha munisípiu Lautem ba Primeiru Ministru, Taur Matan Ruak.

José hateten, tuir planu estratéjiku dezenvolvimentu Nasionál (PEDN) 2011-2030 ba setór justisa maka apróxima justisa ba komunidade to’o rural.

ʺIta nia maun alin sira barak hela iha Lospalos tenke mai to’o iha Baucau para tuir julgamentu, ho objetivu maka tuir planu estratéjiku , ida halo servisu espesializadu ida seluk maka apróxima justisa ba komunidade,” PJR esplika iha Palásiu Governu Díli.

Tuir nia bainhira estabelese ona PJR iha Lautem sei fasilita komunidade fasil atu asesu justisa ho lais no di’ak liután. Sorumutu ho Xefe Governu, Prokuradór ne’e aprezenta mós planu orsamentu 2019 hodi fasilita servisu komisaun espesializada liuliu gabinete kombate korrupsaun, Gabinete sentrál komisaun espesializada Munisípiu Díli no Munisípiu Lautem.

ʺAmi sei halo submisaun ba komisaun orsamentál nian,ʺ Nia promete.

Jornalista:Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here