Deputadu bankada Partidu Libertasaun Populár (PLP), Demétrio do Amaral. Foto Antonio Goncalves

DILI (TATOLI) –Sekretáriu Estadu Ambiente, Demétrio Amaral de Carvalho, konsidera Timor-Leste enfrenta problema jestaun lixu tanba lixu barak liu iha fatin hotu ne’ebé la konsege rekolla.

“Mezmu ita prodúz lixu plástiku ho nia kuantidade hamutuk porsentu 18 to’o 20, maibé lixu plástiku barak liu mak ita la konsege rekolla hotu, barak ba mota no tasi to’o ikus estraga ambiente,” hateten Sekretáriu Estadu Ambiente, Demétrio Amaral de Carvalho iha ámbitu aprezentasaun polítika zero plástiku ba deputadu sira iha Parlamentu Nasionál, ohin.

Tuir Demétrio Amaral, polítika zero plástiku no konservasaun no protesaun ba meiu ambiente importante atu aplika, tanba ne’e, governante ne’e konsidera polítika ne’e pertinente no prioridade tebes hodi esplika ba deputadu sira.

“Ha’u esplika ba deputadu sira katak polítika zero plástiku ita define hanesan prioridade tanba ita hasoru problema jestaun lixu,” nia esplika.

Faze ida atu kombate ka implementa polítika zero plástiku mak hahú hosi emprezáriu no supermerkadu sira ne’ebé halo importasaun ba plástiku. Tanba ne’e emprezáriu sira presiza hatene polítika governu nian atu kombate ka bandu saku plástiku iha Timor-Leste iha 2019.

Nune’e mós, moratorium uzu saku plástiku, ita sei anexa ho plástiku hirak ne’ebé ita bandu ho forma nasi bungkus ne’ebé ita uza dala ida depois soe ba ita nia ambiente rasik, ida ne’e sei bandu no governante ne’e husu ba setór privadu sira hahú halo prosesu.

Setór privadu barak mak halo esforsu ona katak iha novembru nia laran empreza nasionál rua ka tolu hahú halo importasaun ba plástiku, ida mai hosi ai-farina, uza nia biodegradavel, iha loron ho 100 ita soe ba lixu nia naben ona.

Aplikasaun polítika zero plástiku fó mós dalan ba ita nia inan feton sira ne’ebé durante ne’e prodúz bote, kohe atu sira nia merkadu bele efetivu tanba governu halo peskiza katak Timor-Leste importa plástiku ho valór millaun U$ 1.5 to’o 2.

“Ita bandu de’it saku plástiku, osan millaun U$ 1.5 to’o 2 bele sustentável ba merkadu Timor-Leste ba saku alternativa sira” katak

Entretantu, Timor-Leste iha ona lei kontrola ríjidu sólidu urbana, kódigu penál krime ambientál sira.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here