Prezidente Repúblika, Francisco Guterres Lú Olo, ohin simu Sekretária Estadu Negósiu Estranjeiru no Kooperasaun Portugal, Teresa Ribeiro, iha Palásiu Prezidensiál Bairru Pité. Imajen António Gonçalves

DILI, (TATOLI) – Sekretária Estadu Negósiu Estranjeiru no Kooperasaun (MNEK) Portugal, Teresa Ribeiro, enkontru ho Prezidente Repúblika (PR), Francisco Guterres Lú Olo, ko’alia kona-ba relasaun iha área lian-portugés no direitu ema nian.

Tuir Teresa kooperasaun iha lian sai prioridade boot ba nasaun rua. “Portugal hakarak kontinua aposta língua ida ne’e, tanba língua ida ne’e la’ós pertense ba Portugal nian de’it maibé língua globál ida ne’ebé sai hanesan elementu identitáriu no kulturál iha kontinente sira hotu”, katak ba jornalista sira iha Palásiu Prezidente Nicolau Lobato, Bairru Pité, segunda ne’e, hafoin enkontru ho Xefe Estadu.

Aleinde ne’e, nia haktuir ko’alia mós kona-ba importánsia selebrasaun loron direitu ema nian ba tinan ne’e, partikularmente ba eskola sira, Portugál dezenvolve hela serbisu oinsá atu sensibiliza ba estudante kona-ba importánsia direitu ema nian no toleránsia.

Iha biban ne’e, Xefe Estadu orgullu ho enkontru ne’ebé ko’alia kona-ba kooperasaun nasaun rua ne’e no hatutan Portugal ho Timor-Leste la’ós koopera iha área edukasaun de’it maibé mós iha área defeza, seguransa no sel-seluk tan.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here