Vise Prezidente Parlamentu Nasionál, Maria Angelina Sarmento. Imajen/Egas Cristovão

DILI, (TATOLI) – Vise Prezidente Parlamentu Nasionál (PN), Maria Angelina Sarmento, hateten orgaun lejislatura forma ona komisaun inkéritu parlamentár atu investiga projetu 142 inklui projetu pilotu Zona Ekonomia Espesiál Merkadu Sosiál (ZEEMS) ne’ebé diskonfia akontese iha irregularidade.

“Parlamentu forma ona komisaun ida ne’e no lider bankada sira konkorda ona nia distribuisaun ba kompozisaun komisaun inkéritu parlamentár”, Maria Angelina ba jornalista sira iha PN, ohin.

Nune’e totál ba deputadu sira ne’ebé kompoen iha komisaun hamutuk nain 11, enkuantu deputadu bankada Frente Revolusionária Timor-Leste Independente (FRETILIN) ema nain haat, Kongresu Nasionál Rekonstrusaun Timor (CNRT-sigla portugués) nain tolu, Partidu Libertasaun Populár (PLP) nain rua, Partidu Demokrátiku nain ida no partidu Kmanek Haburas Unidade Nasional Timor Oan (KHUNTO) nain ida.

Enkuantu ekipa ne’e sei hetan aprovasaun hosi parlamentu liuhosi plenária hafoin halo aprovasaun, nune’e bele hahú ona sira nia servisu bazea ba rejimentu parlamentu nian. Entretantu, ajenda ba debate komisaun iha plenária sei diskute iha tempu besik.

Jornalista: Zezito Silva

Editora: Rita Almeida

1 KOMENTÁRIU

  1. Ne’e diak liu no ami povu hein katak ho projetu 142 ne’e, sei lao ho diak liu husi komisaun refere,nune’e bele transforma boa governasaun hahu 2018-mandatu termina.abrasus

HAKEREK NO HATÁN

Please enter your comment!
Please enter your name here