Sinál bandu ne'e taka ona iha área Palásiu Governu Timor-Leste ho lei hosi KFP. Imajen Tatoli

DILI, (TATOLI) – Governu liuhosi Ministru Reforma Lejislativa no Asuntu Parlamentár, Fídelis Leite Magalhães, hato’o ezekutivu ninia hanoin ba Parlamentu Nasionál (PN) hodi halo rezolusaun ida, atu konserva meiu ambiente.

“Hanesan ita hotu hatene katak ita la’o iha ne’ebé de’it, ita la sente seguru atu inspira án (dada iis), ema fuma iha kintu kantu, ida ne’e implika ba ita nia kondisaun”, katak Vise Prezidente PN, Maria Angelina Sarmento, ba jornalista sira iha uma fukun, ohin, hafoin sorumutu entre lider bankada ho governante ne’e.

Atu proteje no konserva meiu ambiente, presiza ema hotu nia konsiénsia hodi kontribui, tanba ambiente ne’ebé domina ho foer ka lixu, fuma sigaru iha fatin p’ubliku ka resintu instituisaun Estadu sira, implikasaun ba ema nia saúde.

Nune’e, ema hotu presiza toma atensaun hodi kontribui mak tenke so’e foer iha nia fatin, fuma sigaru iha fatin ne’ebé prepara, liuliu instituisaun Estadu nian.

Durante sorumutu, reprejentante povu hosi bankada Partidu Libertasaun Populár (PLP) ne’e haktuir deputadu sira mós hato’o oinsá mak resintu uma fukun bele iha ambiente ida moos no saudavél.

Entretantu, kuandu lei ne’e aprova presiza hahú konsensializa ema hirak ne’ebé servisu iha resintu parlamentu nian, atu fuma karik tenke fuma iha nia fatin, labele fuma iha odamatan boot no kualker espasu ne’ebe ema movimenta ba mai, tanba ita la’o ba mai ita só respira suar sigaru, katak tan.

Jornalista: Zezito Silva

Editora: Rita Almeida

HAKEREK NO HATÁN

Please enter your comment!
Please enter your name here