Logo SEAMEO INNOTECH. Imajen hosi google

DILI, (TATOLI) – Ekipa SEAMEO INNOTECH lidera hosi Diretór Ezekutivu, Ramon C.Bacani, kinta ne’e vizita Eskola Sekundária Téknika Vokasionál-Grupu Teknolojia Indústria (ESTV-GTI) Bekora hodi haree besik kondisaun ekipamentu no prosesu aprendizajen ne’ebé liga ho teknolojia.

ʺFoin primeiraves nasaun sira ne’ebé involve iha SEAMEO INNOTECH mai vizita eskolaʺ, dehan diretór eskola, Francisco Guterres, ba Tatoli iha ninia servisu fatin.

Diretór eskola ne’e sente onradu, tanba sira haree rasik kondisaun fatin ne’e, ho esperansa sei hetan apoiu hosi organizasaun internasionál ne’e hodi dezenvolve di’ak liután iha área teknolojia.

ʺSEAMEO Innotech asina ona nota entendimentu ho INFORDEPE, tanba ne’e bele loke oportunidade ba ami atu haruka profesór sira iha área tekniku bele hetan formasaunʺ, katak tan.

Eskola ne’e iha departementu Infomasaun no Teknolojia (IT), konstrusaun sivíl, eletróniku, eletrisidade, autómovel no seluk.

Organizasaun ministru edukasaun iha nasaun sudeste áziatika (SEAMEO-sigla inglés) mak Filipina, Tailándia, Brunei Darusalam, Malazía, Timor-Leste, Myanmar, Indonézia, Vietname, Singapura, Laos, Kambodia,

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here