Prezidente PN, Arão Noe, bainhira halo diskursu iha konferénsia internasionál ba selebrasaun tinan 21 deklarasaun universál demokrasia ne’ebé organiza hosi Parlamentu Nasionál iha salaun ministériu finansa. Imajen António Goncalves

DILI, (TATOLI) – Parlamentu Nasionál (PN), ohin organiza konferénsia internasionál hodi selebrasaun aniversáriu 21 deklarasaun universal demokrasia iha sala konferénsia Ministériu Finansa ho objetivu reitera fali ba deklarasaun ne’ebé halo iha tinan 21 liubá kotuk.

Antes ne’e iha tersa (2/10) PN liuhosi sesaun plenária halo diskusaun no votasaun ba projetu rezolusaun no.13 /V (1a) hodi reitera prinsípiu no valór deklarasaun universal kona-ba demokrasia, ho rezultadu a favór 46, kontra 0 no abstensaun 0.

Rezolusaun ne’e, atu reitera kontiúdu deklarasaun universál demokrasia ne’ebé asina iha tinan 21 ba kotuk atu bele sai fundamentuba PN no públiku, no rezolusaun ne’e asina husi Prezidente Parlamentu Nasionál (PPN) no lider bankada hitu atu hatudu katak mesmu bankada sira iha diverjénsia iha bankada maibé prinsípiu demokrasia sai hanesan fundamentu ba prinsípiu PN, hanesan refleta iha konstituisaun artigu 1.

Iha diskursu abertura PPN, Arão Noe, hateten proteje demokrasia la’ós de’it dever no obrigasaun lideransa polítika sira mas sidadaun sira hotu nia.

“Demokrasia iha mundu to’o ona iha faze difísil, ita nia forsa komunikasaun hanesan utilizasaun rede sosiál husi autór sira ba propaganda notísia falsu sira sai hanesan impaktu boot ba demokrasia iha forma ne’ebé sidadaun sira hotu sente”, tenik.

Nia dehan rede sosiál sai hanesan liberdade ba hanoin polítiku.

“Ho verba ida ne’e, akresenta drama fasil, utiliza sistema demokrátiku ba buat hotu ho formula simples halo ema nervozu. Ho argumentu manipulasaun ne’ebé injustisa ba ema seluk”, katak.

Iha fatin hanesan, Prezidente Repúblika (PR), Francisco Guterres Lú Olo, iha nia diskursu hateten tenke asesu komunikasaun ne’ebé lais no efisiente permite iha posibilidade halo komunikasaun ho ema ne’ebé ita labele komunika direita.

“Telekonferénsia no rede sosiál ohin efektivu tebes para bele troka idea iha kualker momentu, nune’e bele dezenvolve sidadaun iha kapasidade análiza no krítiku, tanba bainhira sosiedade laiha kapasidade halo análiza no krítiku laiha demokrasia no rejime otoritáriu bele instala ho fasil”, tenik.

Hodi dehan, akontráriu husi saida mak ita hein husi ezisténsia alta teknolojia, ita iha tendénsia progresiva atu rekorre ba faze ida ne’e la’ós atu aprende maibé fahe adversáriu polítiku inklui figura importante iha prosesu libertasaun nasionál no Estadu direitu demokrátiku.

“Uzu la propriedadu mídia alta teknolojia informasaun husi ema anónimu, no ema ne’ebé laiha sentidu kona-ba importansia respeitu ba ema seluk nia dignidade”, katak.

Entretantu, oradór sira mai husi nasaun haat no líder istóriku sira hanesan eis Primeiru-Ministru II Governu Konstitusionál no eis Prizidente Repúblika, José Ramos Horta, nomós eis titulár seluk atu fahe esperiénsia ba partisipante sira.

Iha área temátika haat mak sei aprezenta iha  konferénsia ne’e no kada tema iha oradór nain haat mak sei ko’alia.

Prezidente Repúblika (PR), Francisco Guterres Lú Olo, hateten ohin loron ita iha asesu ba meiu komunikasaun lais no efisiente liu ne’ebé fó dalan ba ita iha liu koñesimentu no ita bele hakbesik-án liután ba ema ne’ebé ita labele ko’alia, oin ba oin.

“Vídeo-konferénsia, telekonferénsia no rede sosiál mosu ohin loron nu’ udar meiu efetivu tebes atu troka idéias no koñesimentus, iha momentu ne’ebé de’ it, no nune’e, sidadaun sira bele hasa’e sira-nia kapasidade análize no krítika”, tenik.

Tuir Xefe Governu, bainhira sosiedade ida ladún iha espíritu krítiku, ladún iha kapasidade atu haree no hanoin klean, demokrasia labele buras no ambiente ida ne’e loke dalan ba kuda regjime autoritáriu sira.

“Ikusmai, ha’ u haree katak, ita-nia ema balun, envezde uza teknolojia aas nee hodi aprende babeibeik, sira uza liután atu hatún adversáriu polítiku sira-nia dignidade, inklui figura importante sira husi ita-nia prosesu libertasaun nasional no ita-nia Estadu Direitu Demokrátiku. Iha reuniaun sira seluk, ha’u ko’alia ona kona-ba ba uza meius teknolojia aas, teknolojia informasaun husi anónimu no ema sira ne’ebé lahatene katak importante tebetebes hatene respeita dignidade ema seluk nian”, katak tan.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here