Ministra Edukasaun, Juventude no Desportu, Dulce de Jesus Soares

DILI, (TATOLI) – Ministra Edukasaun, Juventude no Desportu, Dulce de Jesus Soares, hatete semana oin governu sei distribui matéria ezame nasionál ba eskola iha teritoriu.

“Semana oin ita sei halo distribuisaun matéria ezame nasionál ba munisípiu hotuʺ, dehan Governante ne’e ba jornalista sira iha Otél Ramelau Dili, ohin.

Nia dehan ministériu imprime ona, iha ona prosesu distribuisaun tanba ezame nasionál sei hala’o iha loron 15 outobru.

Tanbe ne’e ministra apela ba estudante sira hodi atu estuda maka’as hodi hetan valór di’ak.

ʺHusu ba estudante sira tenke iha preparasaun di’ak no husu apoiu hosi profesór atu labele husik estudante halimar durante faze preparasaun maibé kontinua hanorinʺ, apela.

Kompromete Ezekuta OJE 2018 Tuir Kalendáriu

Ministra mós kompromete sei ezekuta hotu Orsamentu Jerál Estadu (OJE) 2018 iha fulan ne’e.

ʺIta hein katak iha fulan-outobru nia laran ita bele ezekuta hotu osan ne’ebé aloka ba Ministériu Edukasaun, tanba normalmente sei taka iha loron 15 novembruʺ, afirma.

Nia dehan tuir kaléndariu ezekusaun sei remata iha loron 15 fulan-novembru, tanba ne’e governante ne’e ho esperansa sei ezekuta hotu OJE.

Hosi orsamentu ne’e sei selu projetu konstrusaun edifisiu ME iha Manatutu, konstrusaun eskola, moru eskola rihun 600 resin.

Entretantu totál OJE 2018 ba ME hamutuk millian $67 maibé hosi janeiru to’o jullu  ezekuta ona milliaun $40 resin.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here