Enkontru entre Embaixadór Timor-Leste ba Japaun, Filomeno Aleixo da Silva, ho Prezidente Repúblika, Francisco Guterres Lú Olo. Imajen Mídia PR

DILI, (TATOLI) – Embaixadór Timor-Leste ba Japaun, Filomeno Aleixo da Silva, hatete relasaun bilaterál Timor-Leste (TL) ho Japaun la’o di’ak tebes no to’o ona iha nivel ne’ebé metin liu-tán.

Hafoin sorumutu ho Prezidente Repúblika, Francisco Guterres Lú Olo, iha Palásiu Prezidente Nicolau Lobato, Bairru Pité, tersa ne’e, ba jornalista sira, Filomeno hatutan hosi 2016 mai kraik, Timor-Leste hetan de’it atensaun to’o nivel Vise-Ministru hosi rai refere, maibé iha 2016, hetan ona vizita hosi Ministru Defeza Japaun, ne’e hatudu TL nia visibilidade iha mundu.

Diplomata ne’e akresenta iha posibilidade Ministru Negósiu Estranjeiru Japaun sei halo vizita mai iha futuru. Hanesan diplomata, Filomeno nia funsaun maka kuidadu no tau matan ba relasaun entre rai rua ne’e atu kontinua la’o di’ak ba oin.

Iha oportunidade ne’e, nia afirma Japaun komprometidu atu apoiu Estadu iha situasuan saida de’it. “Sé de’it maka ukun Timor, Japaun prontu atu fó apoiu”, haklaken.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here