Timor-Leste Sei Sai Uma Na’in ba Asembleia OISC/CPLP

0
74

DÍLI, (TATOLI)- Timor-Leste sei sai uma na’in ba Asembleia Jerál Organizasaun ba Instituisaun Superiór Kontrolu (OISC-sigla portugés), CPLP (Comunidade dos Países da Língua Portuguesa), da-sanulu (X), iha Díli. Eventu ne’e hahú 26 no sei termina iha sesta, (28/09), haktuir informasaun Tribunál Rekursu, liuhusi Camara de Contas, ne’ebé Ajénsia TATOLI asesu, ohin.

Tema ba asembleia ne’e mak “O impacto da colaboração das instituições públicas e privadas na melhoria dos trabalhos das instituições superiores de controlo”, ho partisipasaun husi estadu membru nó mós Komisáriu Auditoria Macau (KAM-sigla portugés).

Eventu internasionál komunidade luzófona ne’e prezide husi Tribunál Rekursu, liuhusi Camara de Contas, ne’ebé nia kompeténsia mak hodi halo kontrolu ba Finansa públika, halo fiskalizasaun ba legalidade no regularidade husi reseita no despeza públika nó mós halo apresiasaun no boa jestaun finanseira.

Nune’e, Camara de Contas, iha lala’ok husi nia atividade sira hodi kontrolu atividade finanseira estadu, kolabora hamutuk ho instituisaun públika no privada hodi haklaken informasaun nesesária hodi evita reprima no desperdísiu, ilegalidade, fraude no korrupsaun.

Camara de Contas ne’e membru  Organizasaun Tribunál Kontas CPLP (OISC/CPLP) hahú 2012. Nune’e tinan ida ne’e, Timor-Leste sai uma na’in ba eventu husi komunidade luzófona ne’e.

Entretantu, (OISC/CPLP) harii iha 1995, nu’udar asosiasaun autónoma no independente, ne’ebé kria atu dudu dezenvolvimentu no hadi’a instituisaun membru sira, liuhusi promosaun asaun kooperasaun téknika, sientífika no kulturál iha kampu kontrola no fiskalizasaun rekursu públiku sira.

Jornalista: Rafy belo

Editór : Manuel Pinto

HUSIK IDA HATÁN