Programa Governu Labele Sai De’it Deklarasaun Polítika Maibé Dokumentu Programátiku

0
163
Prezidente Repúblika, Francisco Guterres Lú Olo

DILI, (TATOLI) – Prezidente Repúblika, Francisco Guterres Lú Olo, hein katak programa Governu Da-Ualu Konstitusionál  la’ os de’ it deklarasaun polítika ida, maibé dokumentu programátiku ida ne’ebé sei hala’o duni ba oin, liuhosi lala’ok oi-oin no lori benefísiu ba timoroan sira hotu.

Xefe Estadu hato’o kestaun ne’e liuhusi ninia deskursu iha Sesaun Solene ba abertura Lejizlatura ba dalima iha Parlamentu Nasionál, segunda ne’e.

Lú Olo deklara nia sei ajuda mobiliza, loke sidadaun hotu-hotu nia laran atu simu no tulun programa ida ne’e, sei promove no partisipa iha lala’ok ne’ebé de’it atu garante katak liuhusi hotu-hotu nia esforsu, povu tomak nia esforsu, sei haburas nasaun no sosiedade tomak ho ekonomia ida ne’ebé buras ba beibeik.

“Ho neon nakloken ba ida ne’e, maluk sira bele konta ho ha’u-nia partispasaun nu’ udar Prezidente Repúblika”, nia afirma.

Iha biban ne’e, Prezidente Repúblika hato’o nia saudasaun ba VIII Konstitusionál tanba Parlamentu Nasional aprova ona ninia programa no pasu ida ne’e importante tanba Programa ne’e fó-sai polítika ne’ebé ukun-na’in sira sei kaer iha tinan lima nia laran.

“Programa ne’e maka bele garante estabilidade governativa katak Governu bele ukun to’o mandatu nia rohan,” Lú Olo dehan.

Jornalista: Xisto Freitas

Editora: Rita Almeida

HUSIK IDA HATÁN