Governu Sei Desentraliza Servisu Trata Pasaporte Iha Munisípiu

0
464
Pasaporte Timor-Leste. Foto espesiál

DILI, (TATOLI) – Ministru Justisa, Manuel Carceres, hateten tinan oin sei hahú desentraliza servisu ba diretór munisípiu ida-idak hodi trata pasaporte, billete identidade no seluk tan ba sidadaun.

ʺHa’u esforsa hela atu desentraliza hela servisu ne’e ba diretór munisípiu sira para trata, pur-ezemplu kona-ba diretór terras propriedade maka asina, nune’e mós servisu notariadu atu hasai pasaporteʺ, dehan Manuel Carceres ba jornalista sira iha Palásiu Governu hafoin informa servisu ministériu nian ba Primeiru-Ministru, Taur Matan Ruak, ohin.

Durante sorumutu, nia dehan Xefe Ezekutivu mós apoia desizaun ne’e. ʺHa’u  husu ba Primeiru-Ministru atu dezentraliza ona kompeténsia ba munisípiu sira, atu ida-idak hasai billete identidade, pasaporte, sertidaun nascimentu, sertidaun kazamentu no óbitu (sertidaun ba ema mate)ʺ, tenik Governante.

Polítika governante ne’e hodi fasilita sidadaun atu asesu pasaporte, BI, sertidaun kazamentu, óbitu no seluk tan ho fasíl.

Jornalista: Agapito dos Santos

Editora: Rita Almeida

HUSIK IDA HATÁN