Governu Analiza Troka Nota Japaun-TL Ba Bolsu Estudu Mestradu

0
173
Ministru Prezidensia Konsellu Ministru, Hermenegildo Augusto Cabral Pereira.

DILI, (TATOLI) – Ministru Estadu Prezidénsia Konsellu Ministru, Agio Pereira, ohin  hatete Konsellu Ministru (KM) haree no analiza troka nota ida entre governu Japaun no Timor-Leste (TL) kona-ba bolsu estudu hodi reforsa kapasidade mestradu ba timoroan sira iha Funsaun Públika.

“Sei iha selesaun rigoroza ida, mas Institutu Nasionál Administrasaun Públika (INAP) mak sei kaer projeitu ne’e, tanba instituisaun ne’e mak kaer formasaun Funsaun Públiku nian”, tenik ba jornalista sira iha Palásiu Governu, ohin.

Aprezentasaun ne’e husi Ministériu Negósiu Estranjeiru no Kooperasaun (MNEK) kona-ba estensaun kooperasaun ekonómika iha ámbitu subvensaun husi Ajénsia Japoneza liuhosi kooperasaun internasionál ba projetu bolsu estudu hodi bele hasae dezenvolvimentu rekursu umanu nasionál sira.

Tuir nota komunikadu husi Portál Ofisiál Governu, Japan Development Scholarshi (JDS), hanesan programa kooperasaun japaun nian inisia iha 1999, implementa ona iha nasaun 15 ho objetivu apoia dezenvolvimentu rekursu umanu.

Biban ne’e, KM aprova autorizasaun ba Ministru Defeza, Filomeno da Paixão de Jesus, ba asinatura akordu entre Governu Timor-Leste ho Governu Japaun ba atividade edukasun no formasaun iha área asisténsia téknika umanitária nomos operasaun asisténsia iha situasaun katastrofe.

Jornalista: Julia Chatarina

Editora: Rita Almeida

HUSIK IDA HATÁN