Embaixadór Ejitu Hasoru PR Hodi Hametin Servisu Hamutuk

0
82
Soru-mutu entre Embaixadór Egypto ba Timor-Leste, Ahmed Moawad, ho Prezidente-Repúblika, Francisco Guterres Lú Olo. Imajen Mídia PR

DILI, (TATOLI) – Embaixadór Ejitu ba Timor-Leste, Ahmed Moawad, kuarta ne’e hasoru Prezidente Repúblika, Francisco Guterres Lú Olo, hodi hato’o kooperasaun sira entre rai rua.

“Ohin ne’e prazer boot ida mai ha’u halo diskusaun ho Prezidente-Repúblika hodi haree posibilidade sira oinsá atu dezenvolve, kooperasaun entre Ejitu no Timor-Leste hosi parte bilaterál no multilateral”, Ahmed ba jornalista sira hafoin hasoru malu iha Palásiu Prezidente Nicolau Lobato, Bairru Pité.

Embaixadór ne’e afirma maske Embaixadór Ejitu ba Timor-Leste nia rezidénsia iha Jakarta, Indonésia, maibé nia sempre iha Timor hodi atende reuniaun importante ho orgaun soberania sira hanesan Prezidente-Repúblika, Primeiru-Ministru no Prezidente Parlamentu Nasionál hodi ko’alia kona-ba kooperasaun.

Ahmed espera relasaun entre nasaun rua ne’e bele forte liu-tan. Hodi hatutan, durante hasoru malu, Prezidente-Repúblika apresia ba kompromisu Ejitu hodi kontinua hala’o relasaun di’ak ho Estadu Timor-Leste.

Entretantu, Xefe Estadu hateten asuntu sira ne’ebé mak hato’o liu hosi reuniaun ohin, sei hato’o ba Xefe-Governu, Taur Matan Ruak, liuhosi reuniaun regulár iha semana-semana.

Jornalista: Xisto Freitas

Editora: Rita Almeida

HUSIK IDA HATÁN