BSTL Hakarak Populasaun Asesu Serbisu Finanseiru Ho Fasil

0
115
Governadór Banku Sentrál Timor-Leste, Abraão de Vasconselos, ko’alia iha ámbitu panorama jornada orsamentál 2019 iha ministériu finansa Aitarak Laran. Imajen Egas Cristovão

DILI, (TATOLI) – Governadór Banku Sentrál Timor-Leste (BSTL), Abraão de Vasconcelos, hatete populasaun nian asesu ba servisu finanseiru aas tebes, tanba ne’e ninia parte hakarak halo servisu ho governu hodi garante iha sistema.

“Ita-nia populasaun sira dalaruma atu asesu serbisu finsanseiru tenke halo viajen ne’ebé dook tebes, entaun estratéjia polítika ne’ebé maka Banku Sentrál hakarak halo, serbisu hamutuk ho Governu atu garante katak pontu asesu populasaun sira se bele iha suku, aldeia, importante. Ida ne’e ezatamente situasaun ne’ebé maka ita-nia sistema finanseiru iha”, Governadór katak iha Aitarak-Laran, tersa ne’e.

Entantu en jerál sistema finanseira kobre maioria husi porsentu 78 populasaun maka agora asesu ba serbisu bankária.

Tuir relatóriu ne’ebé BSTL publika iha 2016 ba banku komersiál de’it porsentu 62 populasaun adultu asesu ba serbisu bankária, inklui instituisaun seluk hanesan mikrofinansas no kooperativa iha porsentu 78.

“Agora daudaun to’o iha juñu dadus ne’ebé banku simu porsentu 78 nivel asesu ba setór bankária, ne’e signifika kada 770 populasaun adultu iha kada mil populasaun asesu ba serbisu bankária”.

Enkuantu ne’e atubele asesu ba serbisu finanseira populasaun mós tenke la’o husi kilómetru ne’ebé dook hodi to’o iha banku.

Ho situasaun asesu hosi populasaun, nia argumenta sistema kréditu presiza mellora para fó fatin ba banku sira bele estende merkadu kréditu.

Jornalista: Maria Auxiliadora

Editora: Rita Almeida

HUSIK IDA HATÁN