BNCTL Prontu Selu Idozu Sira To’o Uma

0
136
Prezidente Konsellu Administrasaun BNCTL, Brigido de Sousa. Imajen Egas Cristovao

DILI, (TATOLI) – Banku Nasionál Komérsiu Timor-Leste (BNCTL-sigla portugés) prontu halo pagamentu ba terseira idade no ema ho defisiénsia sira iha sira nia hela fatin bainhira kondisaun saúde la permite atu la’o.

Vise  Prezidente  Konsellu  Administrasaun, António  Florindo  Abrantes, hato’o asuntu ne’e hodi hatan preokupasaun públiku kona-ba sistema pagamentu ba terseira idade no ema ho defisiénsia.

ʺAmi espera sira bele koordena ho ami atu komunikasaun ne’e maka tenke la’o di’ak, durante ne’e balun la’o di’ak no balun ami rekoñeseʺ, hateten.

Nia akresenta Ministériu Solidaridade no Sosiál (MSS) no autoridade lokál presiza hato’o informasaun ba parte banku hodi halo pagamentu to’o sira nia hela fatin.

BNCTL iha banku movel hodi halo pagamentu kuaze rihun sia nulu resin ne’ebé sai ona benefisiáriu ba programa governu.

Jornalista: Agapito dos Santos

Editora: Rita Almeida

HUSIK IDA HATÁN