Imajen hosi google.

DILI, (TATOLI) – Prezidente Komisaun Funsaun Públika (KFP), Faustino Cardoso, hatete Primeiru-Ministru, Taur Matan Ruak, konkorda ho KFP atu fó reforma ba funsionáriu públiku besik rihun rua resin, maib presiza altera dekretu lei.

ʺIha preamblu lei rejime kontributivu hakerek obrigatóriamente ba funsionáriu sira bainhira atinje idade 60, maibé lei ne’e rasik la hatur iha artigu ruma, tanba ne’e presiza halo alterasaun, kuandu atu reforma presiza altera dekretu lei ne’eʺ, dehan Faustino Cardoso ba jornalista sira hafoin relata kestaun ne’e ba Xefe Governu iha Palásiu Governu, ohin.

Tuir konkordánsia parte rua, presiza implementa ona lei ne’e para fó oportunidade ba jerasaun foun atu servisu iha administrasaun públika.

Maibé Xefe Governu sujere ba KFP atu prepara lei ba alterasaun dekretu lei ne’e hodi obriga funsionariu públika reforma.

ʺEma ida reforma tama ona rihun ida, no sira ne’ebé tinan 60 ba leten mós rihun  ida atus hitu resin, tanba ita nia lei hateten reforma ne’e bazea ba rekerementuʺ, tenik.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here