Ministru Transporte no Komunikasaun, José Agustinho da Silva. Imajen Mídia MTK

DILI (TATOLI)-Ministru Transporte no Komunikasaun, José Agostinho da Silva relata planu konstrusaun Aeroportu Internasionál Prezidente Nicolau Lobato Comoro ba Primeiru-Ministru (PM), Taur Matan Ruak.

“Ha’u relata ba Primeiru-Ministru konaba planu konstrusaun Aeroportu Internasionál Prezidente Nicolau Lobato Comoro, agora daudauk iha planu atu halo estensaun ba pista aeroportu Comoro. Planu ne’e la’o hela no sei hetan ajuda husi povu no governu Japaun para fasilita ita nia prosesu konstrusaun ne’e”, tenik ba jornalista sira iha Palásiu Governu, Tersa ne’e.

Hodi dehan, planu oinsá atu haluan kampu no hadi’a terminál hanesan parte ida grande projetu, ne’ebé mak ninia dezeñu plemináriu sei halo hela no sei aprezenta ba governu no tuir planu iha fulan Outubru nia laran, hafoin governu hare dezeñu ne’e prienxe ona rekizitu padraun internasionál no tuir ona hakarak ou lae.

Sei tuir ona ita nia hakarak, ita bele define sai dezeñu definitiva para bele konkorre ba prosesu tenderizasaun mas kuandu seidauk ita haruka para bele hadi’a dezeñu ne’e atu prienxe rekizitu padraun internasionál antes ba konkorre iha tenderizasaun.

Dezeñu ne’e integradu tanba ne’e pista, torre, terminál sei tau hamutuk. Tanba ne’e tuir planu iha fulan Outubru klaran, dezeñu ne’e sei aprezenta mai governu Timor-Leste no bainhira iha ona dezeñu definitiva, ida ne’ebé manan tender mak sei mai ezekuta prosesu konstrusaun Aeroportu Internasionál Prezidente Nicolau Lobato.

Konaba komunidade ne’ebé afetadu iha konstrusaun ne’e, governu presiza fó solusaun ne’ebé dignu.

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here