Ministru Justisa, Manuel Cárceres da Costa. Imajen António Goncalves

DILI, (TATOLI) – Ministru Justisa, Manuel Carceres, ohin desloka ba Jakarta-Indonézia hodi partisipa semináriu internasionál kona-ba direitu umanitáriu ne’ebé organiza hosi Governu Indonézia.

Ministru hateten sei aprejenta polítika Nasaun ba direitu umanu hanesan direitu ba feto, labarik, sosiál polítika no ekonómiku.

ʺOhin ha’u mai informa ba Primeiru-Ministru kona-ba diskursu ne’ebé reprezenta Governu iha semináriu internasionál ne’eʺ, dehan Governante ne’e hafoin despede Xefe Governu, Taur Matan Ruak, iha Palásiu Governu, ohin.

Governante ne’e hateten konstituisaun RDTL garante no proteje sidadaun nia direitu iha TL. Alende ne’e ratifika mós konvensaun internasionál ba asuntu ne’e.

Semináriu ne’e sei hala’o durante loron rua, hahú tersa no termina aban. Ministru sei fila hikas mai Tl iha semana ne’e nia rohan.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here