DILI, (TATOLI)-Lider deportivu internasionál no mentór Estadu Unidu Amérika (EUA) hola parte iha Departamentu Negósiu Estranjeiru EUA no espnW nia Programa Anuál Globál ba Mentor Desportivu sira (GSMP), iha setór desportu país ne’e nian, hahú husi loron 24 setembru to’o 31 outubru.

Iha programa ne’e nia tinan dahitu, sei iha interkámbiu dezenvolvimentu profisionál atu fó apoiu ba Departamentu Estadu nia esforsu sira ne’ebé lao dadaun hodi kapasita feto sira no labarik feto sira iha mundu tomak liuhusi desportu sira.

“Serbisu hamutuk ho líder feto emerjente sira, feto ezekutivu seniór sira iha desportu Estadus Unidus nian loke sira-nia organizasaun ida-idak hodi sai fatin uma-nain atu fahe hanoin sira kona-ba negósiu, emprenderismu, no jestaun estratéjiku,” informa porta-voz Heather Nauert, iha komunikadu, dirije ba redasaun  Ajénsia TATOLI, ohin.

 Iha sorin seluk, tuir komunikadu ne’e, mentór Amerikanu sira hetan perspetiva foun barak no rede globál ne’ebé luan liu tan. Mentor sira mós orienta delegasaun internasionál sira hodi dezenvolve planu asaun sira atu kapasita feto sira no labarik feto sira liuhusi modalidade desportu sira iha sira-nia rain. Atu fali iha dalan ba feto sira hodi halai iha Peru ka uza kick-boxing iha India ka, liuhusi sira-nia planu asaun sira, desportista feto sira husi GSMP hamosu ona impaktu pozitivu no diretamente ba ema hamutuk 225,000 iha mundu tomak.

Tinan ne’e partisipante sira iha GSMP, mai husi Bangladexe, Brazil, Burma, Izrael, Malázia, Nijéria, Pakistaun, Teritóriu sira Palestina nian, Rúsia, Sérbia, Áfrika Sul, Timor-Leste, Vietname, no Zambia, sei ba hamutuk ho antigu alunu esepsionál sira hamutuk 99 – Olimpianu sira, Paraolimpianu sira, jornalista sira, ofisiál ministeriál sira, líder sosiedade sivil sira, administradór desportivu sira, no sira seluk tan – husi nasaun liu 50.

Mentor sira tinan ne’e reprezenta husi: the BIG EAST, Burton Snowboards, Creative Artists Agency, ESPN, FOX Sports, Gatorade, Google, National Collegiate Athletic Association, National Hockey League, Saatchi & Saatchi LA, Universidade Connecticut, Asosiasaun Ténis Estadus Unidus nian, no Spurs Sports and Entertainment.  Ho Universidade Tennesse nia Sentru ba Desportu, Dame, no Sosiedade sai hanesan parseiru kooperativu dezde inísiu, GSMP sai ona hanesan prova ida husi parseria susesu entre governu, setór privadu, no akademia sira.   

Jornalista: Rafy Belo

Editór : Manuel Pinto

HAKEREK NO HATÁN

Please enter your comment!
Please enter your name here