Diretór Nasionál Finansas Estadu, Salomão Yoaquim (karuk), Xefe Gabinete Komunikasaun no Informasaun MF, Agostinho Castro (klaran) no Diretór Jerál Finansas Estadu, Januário da Gama. Foto/MF.

DILI, (TATOLI) – Governu Konstitusionál Daualuk iha setembru 2018 ne’e kontinua nafatin ho Dotasaun Orsamentál Temporária (DOT) ne’ebé inklui ho despeza no empréstimu ho totál hamutuk millaun $95,792,318 no bainhira esklui despeza no empréstimu millaun $87,306,839.

Xefe Unidade Gabinete Komunikasaun no Informasaun MF, Agostinho Castro, haktuir lansamentu ida ne’e halo tuir desizaun Konsellu Ministru nian iha 21 setembru ne’e.

“Dotasaun Orsamentu Temporáriu setembru 2018 nian hetan redusaun signifikante husi fulan-agostu 2018 hamutuk porsentu 16. Diferensa boot ne’e redús husi liña orsamentu dotasaun todo Governu”, Agostinho katak iha konferénsia imprensa iha Aitarak-Laran, ohin.

Aplikasaun DOT ho montante ida ne’e, refere ba balansu husi levantamentu Fundu Mina-rai hamutuk millaun $140 ne’ebé lakonsege gasta hotu iha fin fulan kotuk hamutuk millaun $86 no kolesaun reseita to’o 20 setembru ho totál millaun $8.2.

“Ho lansamentu ida ne’e bele responde despeza imedianta balun hanesan saláriu no vensimentu, subsídiu ba veteranu, despeza ba kombustivel, nesesidade ba ospitál, embaixada, no despeza mákina sira seluk”.

Despeza Estadu sira ne’e tuir kategoria saláriu no vensimentu hamutuk millaun $17,475,76, bens no servisu millaun $31,230,305, transferénsia públika millaun $18,370, kapitál dezenvolvimentu millaun $29,806,567.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here