Primeiru-Ministru, Taur Matan Ruak, ho Ministra Finansa Interina, Sarah Brites Lobo, iha ámbitu panorama orsamentál 2019 iha MF Aitarak Laran. Imajen Egas Cristovão

DILI (TATOLI)—Primeiru Ministru, Taur Matan Ruak haruka ona karta iha loron, 18 Setembru 2018, hodi husu atu servisu aduaneiros (Alfándega) durante loron sanulu nia laran justifika Alfándega nia auzénsia iha enkontru utilizasaun no operasionalizasaun Aeroportu Suai.

Maski antes ne’e liuhosi mídia, Diretór Jerál Autoridade Aduaneira AA, José António Fátima Abílio, hato’o auzénsia Alfándega nian dala-tolu iha enkontru ho Primeiro-ministro, tanba lá simu konvite, telefone no mensagem ruma husi Gabinete Primeiro-ministro (GPM) ou husi ema ne’ebé koordena enkontru ne’e.

Hatán ba statementu hosi Diretór Jerál Autoridade Aduaneira, Asesor prinsipál transporte ho telekomunikasaun, iha Gabinete Primeiru Ministru, Roberto Caetano de Sousa Vicente ne’ebé mak nomeia husi Primeiru Ministru hodi akompaña no asegura operasionalizasaun Aeroportu Suai, esplika konvite ne’ebé sai hosi Gabinete Primeiru Ministru, iha loron 27 Agostu 2018 haruka ba iha ministériu finansas kona-bá konvokasaun enkontru nivel tékniku hosi ekipa traballu ba asunto operasionalizasaun Aero Portu Suai.

Karta konvokasaun enkontru nivel servisu tékniku manda além de ba Ministru Finansas, manda mós ba ministro Transporte no Komunikasaun, Ministériu Interino, Ministru Agrikultura no Peska. Husi ministériu sira ne’ebé hetan karta konvokasaun enkontru, exetu Ministériu Finansas (Alfandegas), Ministro relevante delega sira nia representante hodi tuir enkontru ne’ebé Primeiru Ministru rasik mak husu.

Karta konvite ba Ministériu Finansas ne’e asina direita hosi Primeiru Ministru, Taur Matan Ruak iha, loron 27 Agostu 2018. Simu iha gabinete ministra finansas, hosi funsionáriu ida ho naran Nina Alves iha loron 28 Agostu, mais menus tuku 09h41.

Enkuantu ba stetmentu Diretór Jerál, José António Fátima Abílio, husu atu halo investigasaun hodi klarifika auzénsia Alfándega nian, nune’e públiku mós bele esklaresidu.

Roberto Caetano de Sousa Vicente dehan, investigasaun nu’udar prosesu interna ida hosi Ministériu Finansas ne’ebé Alfándega hola parte ba. Parte hosi Primeiru Ministru só bele simu justifikasaun de’it, tuir karta haruka ona ba ministériu finansas iha loron 18, Setembru, foin lalais ne’e.

“Karta husu justifikasaun ne’e ita dirije ba Xefe gabinete Vice Ministra Finansas, tanba Alfándega rasik tutela ba ministériu finansas nia área,” Asesór Roberto  esplika.

Ekipa Redasaun

HAKEREK NO HATÁN

Please enter your comment!
Please enter your name here