Reprejentante Konsuladu Xina iha Timor-Leste, Liu Zhen.

DILI, (TATOLI) – Reprejentante Konsuladu Xina iha Timor-Leste, Liu Zhen, hateten prosesu dijitalizasaun ba Radiu Televizaun Timor-Leste, Empresa Públika (RTTL,EP) sei akontese tinan oin.

ʺAmi hakarak dijitalizasaun ba RTTL,EP, espera sei halo di’ak liután iha tinan oinʺ, hateten Liu Zhen hafoin relata progresu estudu tékniku hosi ekipa ba Sekretáriu Estadu Komunikasaun Sosiál, Merício Juvenal dos Reis Akara, iha Palásiu Governu, ohin.

Ekipa téknika iha ona prosesu finalizasaun relatóriu antes entrega ba SEKOMS iha tempu besik hodi estabelese akordu foun.

ʺEkipa ne’e fila ona ba Xina hodi prepara relatóriu finál antes entrega mai ita, depois maka ita haree fali akordu founʺ, katak Sekretáriu Estadu, Merício Akara ba jornalista sira.

Prosesu ne’e akontese másimu tinan ida, tanba ne’e governante fiar parte rua sei aselera prosesu hodi implementa.

RTTL,EP sei hetan  mudansa  boot bainhira implementa  ona dijitalizasaun, tanba  sistema analóg ba dijitál hodi  aumenta kanál to’o 20 no seluk tan.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here