Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI (TATOLI) – Prezidente Parlamentu Nasionál (PPN), Arão Noé, informa Prezidente Repúblika (PR), Francisco Guterres “Lu-Olo” sei halo abertura ba sesaun lejizlatura da-lima iha Parlamentu Nasionál (PN), iha segunda, 17, Setembru.

“Ajenda ona ba segunda-feira,17, Setembru iha plenária, prezensa Prezidente Repúblika nian ba abertura primeira sesaun lejizlatura da-lima” Arão Noé ba jornalista, iha PN.

Lider másimu orgaun lejizlativa, dehan Xefe Estadu nia prezensa importante mai uma fukun ne’e atu halo diskursu ba Estadu, iha ámbitu sesaun lejizlatura da-lima, iha segunda agora, iha tuku 9:00 iha PN.

Hafoin ajenda dadeer termina, iha parte loro kraik PN sei debate asesmentu autorizasaun Prezidente Repúblika nia vizita Estadu ba rai li’ur ka Nova Iorke iha fulan Setembru ne’e, Tanba vizita ida ne’e importante ba Timor-Leste nian.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here