Xefe Kaza Sivíl Prezidénsia Repúblika, Francisco Maria de Vasconcelos

DILI, (TATOLI) – Xefe Kaza Sivíl Prezidénsia Repúblika, Francisco Maria de Vasconcelos, hateten Prezidente Repúblika haruka ona pedidu vizita traballu ba Parlamentu Nasionál (PN) atu hetan autorizasaun.

“Prezidente nia viajen dala lima ba rai liur iha tinan ida ne’e maka partisipa Asembleia Jerál Nasoen Unida iha Nova Iorke, Austrália, partisipa konferénsia ida iha Bali (Indonézia), vizita ofisiál ba Vatikanu no konferénsia ida iha Maroko (Áfrika)”, Francisco ba jornalista sira iha Palásiu Prezidente Nicolau Lobato, Bairru Pité, tersa ne’e.

Francisco dehan pedidu ne’e haruka ona ba Parlamentu Nasionál iha semana kotuk, momentu ne’ebé membru Parlamentu Nasionál diskute hela orsamentu jerál Estadu 2018.

Xefe Kaza Sivíl haktuir, antes ne’e Estadu selu saugati billete ba Portugal ho kustu mil $50 itál maske la konsege halo viajen, tanba hetan kanselamentu hosi membru Parlamentu Nasionál.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here