Saburaka iha laran kór-mean. Foto/Facebook.

DILI, (TATOLI) – Diretór Operasaun Autoridade Inspesaun no Fiskalizasaun ba Atividade Ekonómika (AIFAESA), Gabriel da Costa, hatete kosumidór sira halo keixa ba AIFAESA relasiona ba produtu saburaka ne’ebé fa’an iha supermerkadu, tanba iha laran konten kór-mean no metan.

“Husi keixa ne’ebé ita-nia komunidade hato’o ba AIFAESA ne’ebé kontrola ba produtu ne’ebé mak deskonfia bainhira saburaka ne’e loke ba fo’er iha laran, maibé ami haree ne’e estragadu ne’ebé ekipa orsida sei tun bá iha fatin hodi foti nia amostra hodi submete ba Ministériu Saúde para haree ida ne’e”, Gabriel dehan ohin, iha Matadouru.

Tanba ne’e sei lori bá laboratóriu hodi halo teste hafoin mak hein nia rezultadu hodi hatene loos.

“Loja ka supermerkadu ne’ebé sira (konsumidór) hato’o keixa mak Lita Store nomós Dili Mart, tanba iha saburaka laran iha kór-mean no metan. Horisehik maka sira mai keixa iha ami-nia fatin”.

Aleinde ne’e liuhusi mídia sosiál sosa-na’in ai-fuan ho marka Orange Valencia (RSA) ne’e husu ba parte kompetente atu haree ba produtu refere liuliu atu projete saúde públika.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here