Segundu Komandante Jerál Polísia Nasionál Timor-Leste (PNTL), Faustino da Costa

DILI (TATOLI)—Asidente ne’ebé akontese iha agustu nia laran rezulta ema na’in neen (6) no ema na’in 222 kanek.

Informasaun ne’e relata hosi Segundu Komandante Jerál Polísia Nasionál Timor-Leste (PNTL), Faustino da Costa, ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin relata informasaun kona-ba seguransa ba Prezidente Repúblika, Francisco Guterres Lú Olo.

Nia esplika katak númeru ema mate no kanek ne’ebé mensiona iha leten mai hosi asidente ho motor no kareta.

 Faustino haktuir, númeru asidente iha agustu sa’e kompara ho jullu ne’ebé ho númeru ema mate iha lima de’it. “Iha jullu ema mate na’in lima de’it maibé iha agustu ema mate to’o kedas na’in neen no kanek hamutuk 222,” nia tenik.

Entretantu, Segundu Komandante PNTL haklaken, númeru insidente ne’ebé akontese iha agustu nia laran hamutuk 325 kompara ho fulan kotuk (jullu)  iha de’it 317 no kazu hirak ne’e Ofensas Integridade Fízika Simples okupa númeru primeiru no tuir fali kazu violénsia doméstika.

Jornalista: Xisto Freitas

Editór : Manuel Pinto

HAKEREK NO HATÁN

Please enter your comment!
Please enter your name here