Sekretáriu Estadu Ambiente Demétrio de Amaral de Carvalho. Imajen António Goncalves

DILI, (TATOLI) – Sekretáriu Estadu Ambiente (SEA), Demétrio de Amaral de Carvalho, hatete iha setór privadu rua mak atrai atu halo investimentu iha polítika zero plástiku no iha 19 outubru Kmanek Supermerkadu sei introdús millaun rua saku alternativu, entretantu W4 rodús ona sira-nia saku.

“Kmanek Supermarket mak orsida sei prodús saku verde ne’e no hahú kedan iha outubru ne’e sira bá ona zero plástiku. W4 sira prodús ona sira-nia saku mesak no ne’e ajuda”, Demétrio dehan ohin, iha Bebora.

Eis deputadu ne’e hatutan setór privadu nasionál (Kmanek Supermerkadu) ida ne’e serbisu hamutuk ho empreza Indonézia ho naran Avani mak sei prodús saku orgániku iha Timor-Leste.

Tanba lixu sai problema ida no atu minimiza fo’er liuliu plástiku ida ne’ebé kada loron so’e iha Tibar porsentu 18 husi plástiku no botir bee ne’e, Sekretáriu Estadu mós komesa ko’alia ho setór privadu atu sira iha ámbitu responsabilidade atu minimiza sira-nia lixu, trata sira-nia lixu.

“Ko’alia ho emprezáriu atu aplika polítika zero plástiku no empreza balun atu hahú”.

Tuir peskiza ne’ebé halo husi Asian Development Bank (ADB) iha 2014 katak iha Dili laran de’it, loron ida bele prodús ona lixu to’o tonelada 120.

Demétrio afima iha SEA la’ós haree de’it ba lixu sólidu, maibé inklui mós fo’er líkidu sira. Tanba ne’e buka mekanizmu atu rezolve.

“Óleu sira ita iha tanke rezervatóriu neen iha Tibar, daudaun ne’e nakonu hela, ita buka hela mekanizmu atu halo intervensaun. Ami serbisu hamutuk hahú esplora ideia ho sira Pertamina atu dezenvolve sira-nia prototipu ida kona-ba jestaun óleu fo’er, nune’e iha futuru ita halo tratamentu di’ak liu”.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here