Eis-embaixadór Filipina, Juvêncio de Jesus Martins. Foto: MNEK

DILI, (TATOLI) – Eis-embaixadór Filipina, Juvêncio de Jesus Martins, ba jornalista sira iha edífisiu Ministériu Negósiu Estranjeiru no Kooperasaun (MNEK), Praia dos Coqueiros, ohin, katak Filipina iha interese investe, maibé haree uluk situasaun.

“Filipina barak tenta atu mai. Purezemplu husi saúde nian, agrikultura nian, mikro-busines nian, sira mak tenta atu mai”, katak tan.

Nia konsidera Filipina seidauk moris kle’ur ho Timor-Leste, nune’e sira hakarak haree lai katak ‘come and see’.

“Agora buat hotu online, ema hatene ita-nia uma laran to’o mai li’ur. Tanba ne’e mai no haree hodi diskute”, realsa.

Nia hatutan tan agora empreza Filipina sira barak mak hein hela, haree ba ita-nia situasaun. “Investimentu estratéjiku ida mak edukasaun”.

Nia haktuir iha 2009 liubá, estudante kuaze atus rua resin mak estuda iha Filipina no barak mós fila ona mai TL.

“Agora hela cinquenta ital de’it. Ba privadu ne’e barak la halimar, tanba ema (Filipina) nia sistema edukasaun di’ak. Sira hotu iha ne’ebá, sira fila hetan serbisu”.

Eis-embaixadór Filipina, Juvêncio de Jesus Martins, katak tan TL no Filipina iha ona akordu. “Investimentu ba longo prazo (tempu naruk) tanba ita buka matenek depois ita idaidak buka ita-nia vida”.

Alende ne’e iha mós kooperasaun tékniku hanesan kadete sira husi seguransa no defeza ba estuda iha Filipina, inklui sira mai hala’o treinamentu diplomátiku iha Ministériu Negósiu Estranjeiru no Kooperasaun (MNEK) nomós selseluk tan.

“Iha 2013, ita-nia maun-boot Xanana vizita ba iha ne’ebá asina akordu ida, akordu kuadru ida mak sira bolu policy consultation mechanism. Ne’e para depois ita tuur hamutuk hotu iha laran hodi para bele identifika área saida mak ita bele hamutuk iha kooperasaun”, haktuir.

Jornalista: Rafy Belo

Editora: Rita Almeida

HAKEREK NO HATÁN

Please enter your comment!
Please enter your name here