Ministra Edukasaun, Juventude no Desportu, Dulce de Jesus Soares

DILI, (TATOLI) – Ministra Edukasaun, Juventude no Desportu, Dulce de Jesus Soares, hateten profesór atus hitu ida (701) maka hetan ona sertifikadu reforma hosi Komisaun Funsaun Públiku (KFP) atu reforma.

Hosi númeru ne’e fahe ba kategoria tolu, dahuluk tanba terseira idade atinje 60, mate no invalides.

ʺHosi sira ne’e balun mate ona no barak liu sei hanorin nafatinʺ, haktuir ministra ba TATOLI iha Parlamentu Nasionál, ohin.

Dulce hateten tan sei haree mekanismu ida di’ak liután hodi koloka profesór sira antigu ho disiplina lian-portugés atu kontinua hanorin iha fatin ne’ebé nesesita.

ʺProfesór sira ne’e hanorin iha disiplina hotu-hotu hosi ensinu báziku to’o ensinu sekundariu jerál, maibé ba sira ne’ebé iha koñesementu lingua portuguesa di’ak liu, ha’u sei haree fali atu sira kontinua hodi koloka  ba eskola sira atu kontinua fali sira nia servisuʺ, dehan Ministra Edukasaun.

Maibé antes halo kolokasaun, sei servisu hamutuk ho komisaun funsaun públika atu haree baze legál ba asuntu ne’e.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here