Ministru Negósius Estranjeirus no Kooperasaun Dionísio da Costa Babo Soares. Imajen Egas Cristovão

DILI, (TATOLI) – Ministru Negosiu Estranjeiru no Kooperasaun (MNEK), Dionísio Babo Soares, hateten ministériu presiza orsamentu ho montante mill $500.00 ba pagamentu dívida ne’ebé dadaun ne’e hasoru.

“Ami presiza osan mill $500.00 de’it iha tinan ne’e atu rezolve dívida sira ne’e”, , Dionísio Babo ba jornalista sira iha uma fukun, ohin.

Nia esplika dívida ne’e akontese tanba tama iha rejime temporáriu duodésimu, nune’e embaixada barak labele kumpre regra, kuandu sira haruka relatóriu mai ho pursentu 80 depois hatama iha sistema free balance la simu, entaun osan ne’e la gasta, depois haruka fali ba kofre Estadu ho montante milliaun ida resin.

Nune’e, osan ne’ebé embaixada sira la uza ho montante milliaun ida resin, loloos osan hirak ne’e atu selu ba renda inklui depozita renda nian ba atividade embaixada nian ne’ebé halo iha rai liur hotu hamutuk. Tanba, dadaun ne’e embaixada balun la iha ona osan alias konta bankaria mamuk no ema bele duni sai.

Parte seluk, Prezidente Komisaun B ne’ebé trata asuntu negosiu estranjeiru, Aderito Hugo, akresenta misaun diplomata sira iha estranjeiru importante, tanba ne’e komisaun hato’o proposta atu preve osan mill $500.00 hodi rekopera fali pagamentu hirak ne’ebé durante ne’e adiantadu.

Entretantu, proposta orsamentál mill $500.00 hetan ona aprovasaun hosi Parlamentu Nasionál iha debate espesialidade Orsamentu Jerál Estadu (OJE) 2018, hodi bele ezekuta.

Jornalista: Zezito Silva

Editora: Rita Almeida

HAKEREK NO HATÁN

Please enter your comment!
Please enter your name here