Ministru Negosiu Estranjeiru no Kooperasaun, Dionísio da Costa Babo Soares.

DILI, (TATOLI) – Ministru Negosiu Estranjeiru no Kooperasaun (MNEK), Dionísio da Costa Babo Soares, hateten problema kuríkulu no implementasaun rejime kareira ba diplomata sira impede prosesu funsionamentu institutu diplomata hodi fó formasaun ba timoroan.

ʺInstitutu diplomata MNEk funsiona hela, maibé atrazu tanba iha 2017 kestaun kuríkulu maka seidauk funsiona kompetu, institutu diplomata hodi fó formasaun ba timoroanʺ, ministru ba Tatoli iha uma fukun, ohin.

Problema seluk tanba governu seidauk implementa rejime kareira profesionál diplomata hodi impede funsionamentu edifisiu ne’ebé harii hosi Governu Xina iha tinan hirak kotuk.

ʺAgora ita foin aplika rejime kareira tranzitóriu, tanba ne’e ita presiza hadi’a funsionamentu institusionál hodi haree hela ema ida iha kapasidade no koñesementu hodi lidera institutu ne’e atu funsiona hanesan institutu la’ós hanesan sentru treinamentuʺ, afirma.

Babo haktuir durante ne’e institutu funsiona hodi fó de’it formasaun lian inglés no portugés ba diplomata no funsionariu sira iha MNEK.

ʺInstitutu ne’e tenke nivel edukasaun ida hanesan ho seluk, nune’e eduka profesionál ba ita nia diplomata sira atu sai diplomata profesionálʺ, akresenta.

Hodi funsiona institutu ne’e, futuru sei hahú implementa rejime kareira profesionál ba diplomata sira.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here