Tasa 12 Novembru Sei Realiza iha 15 Setembru

0
111
Kalendáriu tentativa ba Tasa 12 Novembru 2018

DILI, (TATOLI) – Ezekutivu Orgaun Liga Futeból Amadora (LFA) liuhosi soru-mutu alargada hamutuk ho prezidente ba klube-sira ne’ebé partisipa iha jogu LFA nian desidi atu hala’o hikas jogu ba Tasa 12 Novembru 2018, sábadu (15/9/18).

Tuir informasaun ne’ebé Tatoli asesu hosi mídia LFA iha segunda ne’e, katak soru-mutu ne’ebé maka hala’o iha D’City Hotel iha sábadu dader (11/8/18), hetan partisipasaun hosi klube-sira 14 hosi Primeira no Segunda Divisaun hanesan; Académica Fc, Cacusan Fc, Karketu Dili Fc, As. Ponta Leste, Ad. Slb, Aitana Fc, Assalam Fc, Fitun Estudante Fc, Kablaki Fc, Lalenok United Fc, Fc. Lero, Lica-Lica Lemorai Fc, Santa Cruz Fc no Porto Taibesse Fc, aseita atu hala’o hikas jogu ne’ebé maka hala’o ho sistema bota fora.

“Durante surumutu ne’e maioria klube-sira aseita atu jogu refere hala’o hikas hafoin LFA rezolve problema finanseira alias hala’o pagamentu ba osamentu prémiu du jogu ba kada klube, ne’ebé konsege la’o tarde bazeia mós ba situasaun polítika rai laran, tanba orsamentu refere mai hosi Governu liuhosi Sekretária Estadu Juventude no Desportu,” dehan informasaun hosi Mídia LFA ne’e.

Aleinde ne’e, klube balun mós tenki hein sira nia jogadór, ne’ebé maka oras ne’e dadaun reforsa selesaun nasionál ba iha jogu Asian Games 2018, nomós sei partisipa iha Play Off Tasa AFF, tuir regulamentu LFA rasik.

Ekipa 6 ne’ebé maka la konsege marka prezensa iha surumutu refere maka hanesan Atl. Ultramar, Boavista Fc, Dit Fc, Sporting de Timor, Nagardjo Fc no Zebra Fc.

Jornalista: Xisto Freitas

HUSIK IDA HATÁN